一舞傾....

上回講過一一好喜歡跳舞，媽媽終於可以捕捉些少片短。

傾城就無嘞，但一跳就足以傾了媽媽的心囉。

窩心的一夜

今夜媽媽去做「飛素」遲了回家。歸心似箭的媽媽頭都未梳以極速回家，希望能趕及在一一出發揾周公傾計前母兒倆先自聊聊。踏入家門時一一已關燈準備就卒。

突然見媽媽回來，一一立即起床走向媽媽，嗲嗲的叫道:

「MaMa...........MaMa......」

媽媽已心都甜晒，都不枉媽媽一個R 烏婆咁返來。冷不防一一在毫無prompting 下再加多句:

「Lub u.....」

嘩...嘩...嘩!!! 無聽錯吖嘛??

姐姐證實: 「Mam, you heard it right.」

媽媽真係好開心、好感動啊!!

伴睡時一一又突然捉緊媽媽的臉，連續吻了5次之多，再同場加送一個見牙唔見眼笑容.......

不得了!!不得了!!!!!

媽媽到家陣仲係開心到瞓唔著，聽朝一定唔願起身!!

有客到

媽媽話有客到訪，無論老幼大小都必須熱情款待。是以昨夜西安表姐跟Zach哥哥來到我家吃晚飯，我當然盡了地主之誼。


招呼不到，请多多包涵哟！！

歡迎鸚鵡

今日颱風鸚鵡來探香港，所以一家都不能外出，在家中嚴整以待，等貴賓來臨。

於是媽媽趁呢個好日子同一一飛髮。

一一今次值得一讚，非常合作。可惜嘅係媽媽還是失了手，剪出一隻馬騮仔........

小水怪

大熱天時，實在沒東西可及得上在碧波中暢泳。一一在見到泳池時不停地大喊，一路大叫 "sim!!! sim!!!" 。啊!!! 原因唔係怕水，而係急不及待要跳下水，要"swim"喎!!

實在太大胆了，寧願喝水也不要任何人扶，要自已游......

二十加一

今日一一21個月大啦。

好快他就會進入terrible twos 階段，媽媽一定要好好准備 ---

作戰！！

奥運開幕暨嬰兒用品展大豐收

2008手8月8日除了係北京奧運問幕嘅大日子外，亦係一年一度師奶界盛事--BB展嘅開幕日子。媽媽身為師奶界嘅忠貞份子點可能錯過呢個城中嘅盛會呢？收獲係點？只可以用超級大豐收來形容囉。